الشاعرة ام شيماء شيماء

قالوا :
لغريب هو لماشي فالدنيا وحدو
لا خو يسندو ولا ام حنينة تبكي عليه
خطواتو منو تايهة والوديان تعبث بيه
لا جار يهون عليه أحزانو ولاعم يمسح دمع عينه
هايم لا دار لا دوار والناس كامل حايرة فيه
قلت :
لغريب هو لي ماعندو وطن ينتمي ليه
ولوطنو محتل والناس الغرب عايشين فيه
لا نوم الراحة يرقد ويشفى عليه
ولا امان بين حيطانو يحس بيه
لغريب هو لمفرط في هويته وارضه
ولجاهل بأ مره واش غادي يستنى فيه
لا غربة بخلاف غربة الوطن
ولا ظيم غير ظيم الاستعمار وعبادو
قالوا ناس زمان بكري وقولهم محمود
وطني وطني خير من لحرير والقطني
ولي يسمح في وطنو الموت حلال فيه
ام شيماء