أرضنا ***بقلم السيدابوطاحون
قصائد قصيره
البدوي راح للدسوقى
يا قلة الحب روقى
يا حبيبتى لازم تدوقى
حبك ملكنا السنين
مدد يا سيدنا الحسين
خوفتنا م السكوت
علمتنا ازاى نموت
علشان يعيش الجمال
يا حلوه ياللي نداكي
دوب الدراويش
انا في حضرة هواكي
الموت ما بيهمنيش
راحتها فى حضننا
متعطره بدمنا
لو تُهنا ترجع لنا
الارض دى ارضنا
بينا وبينها وصال
يا فرقة الاندال
ارضنا
السيدابوطاحون
الاخنوم
عنوان الموقع 